واٹس ایپ اسکائپ پر کاری وار کرنے کیلئے تیار

اگر یہ کہا جائے تو غلط نہ ہوگا کہ واٹس ایپ دنیا کی مقبول ترین میسجنگ اپلیکشن ہے اور اب لگتا ہے کہ وہ ویڈیو چیٹ ایپ اسکائپ پر ایک اور کاری وار کرنے والی ہے۔ واٹس ایپ نے بہت جلد گروپ وائس کالز متعارف کرانے کا فیصلہ کیا ہے جو کہ اسکائپ کے لیے بڑا خطرہ ثابت ہو سکتا ہے۔ اینڈرائیڈ میں واٹس ایپ کے نئے بیٹا ورژن میں گروپ کالز کے فیچر کو رکھا گیا ہے۔ 2.17.70 بیٹا واٹس ایپ ورژن میں اس فیچر کی تصدیق کی گئی ہے ، جن میں وائس کالز کے حوالے تو کافی ہیں تاہم ویڈیو کالز کا ایک ہی ہے۔ ایسی رپورٹس پہلے ہی سامنے آچکی تھیں کہ فیس بک کی زیرملکیت یہ میسجنگ ایپ گروپ وائس کالز کے فیچر پر کام کر رہی ہے جسے آئندہ سال کسی وقت پیش کیا جا سکتا ہے۔ فیس بک پہلے ہی ایسا فیچر میسنجر میں متعارف کرا چکی ہے۔

اس سے ہٹ کر بھی اس نئے بیٹا ورژن میں کئی اپ ڈیٹس کی گئی ہیں جن میں ایپ کا سائز مختصر کرنا اور صارف کے نمبر کی تبدیلی سے دوستوں کو نوٹیفکیشن کے ذریعے کرنا وغیرہ قابل ذکر ہیں۔ اسی طرح واٹس ایپ کے سب سے زیادہ انتظار کیے جانے والے ان سینڈ فیچر کو بھی جلد تمام صارفین تک پہنچائے جانے کا امکان ہے جس کی آزمائش اب شروع ہو چکی ہے۔ اس فیچر کے ذریعے صارفین پانچ منٹ کے اندر اپنے دوستوں کو بھیجے گئے پیغامات، تصاویر، دستاویزات اور اسٹیٹس رئیپلائیز تک واپس کھینچ سکیں گے یا ڈیلیٹ کر سکیں گے۔
 

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.